Mazkur maqolada ota-onalar qaramog‘isiz qolgan bolalarning ijtimoiylashuv jarayonida mahallaning o‘rni tahlil qilinadi. Bolalar tarbiyasida oilaning o‘rni beqiyos bo‘lsa-da, yetim yoki ota-onasi tashlab ketgan bolalar uchun mahalla muhim ijtimoiy institut sifatida namoyon bo‘ladi. Tadqiqot davomida mahallaning bunday bolalarga ta’lim, tarbiya va psixologik qo‘llab-quvvatlash orqali ijtimoiy moslashuvga qanday ta’sir qilishi o‘rganiladi. Shuningdek, mahalla faollari, qo‘ni-qo‘shnilar va jamiyatning boshqa a’zolari tomonidan yetim bolalarga ko‘rsatiladigan moddiy va ma’naviy yordam turlari ko‘rib chiqiladi. Maqolada bolalarning sog‘lom ijtimoiy muhitda ulg‘ayishlari uchun mahallaning roli hamda bu boradagi mavjud muammolar va ularni hal etish yo‘llari tahlil qilinadi.
You may also start an advanced similarity search for this article.