Ғоваксиз намуналарни иссиқ ҳолда пресслаш усули орқали олиш жараёнига ҳарорат, босим ва вақт таъсир кўрсатади. Иссиқ ҳолда пресслаш учун энг кичик босим сифатида шундай босим олинадики, бунда деряли эриш ҳароратигача келтирилган
материал тўлиқ зичлаштирилади. Кўпчилик қора ва рангли композициялар учун пластиклик ҳарорати нисбатан кенг ҳисобланади. Шундан келиб чиққан ҳолда материални тўлиқ зичлаштириш учун зарур бўладиган соҳа кенг чегараларга эга.
Натижада иссиқ ҳолда пресслашда пастроқ ҳароратларни олиш имкони яратилади. Олиб борилган тадқиқотлар асосида олинган натижалар шуни кўрсатадики, талаб этилган зичликни олиш учун иссиқ ҳолда деформациялашда совуқ ҳолда
деформациялашга қараганда 10 баробар камроқ кучланиш талаб этилади.