Zamonaviy sanoatning, xususan yangi texnologiyalarning rivojlanishi munosabati bilan aholining mexanik omillar ta’siridan jarohatlanishi holatlari ko‘paymoqda. Shu bilan birga, huquqni muhofaza qilish organlari tomonidan jarohatlarni aniqlanishi, hosil bo‘lish mexanizmi, muddati bilan bir qatorda, ko‘pincha ularning og‘irlik darajasini aniqlash masalasi qo‘yiladi. Ish materiallari bo‘yicha sud-tibbiy ekspertiza faqat uni tayinlagan organ (shaxs) tomonidan protsessual qonunchilikka va mavjud yo‘riqnomaga muvofiq rasmiylashtirilgan materiallar taqdim etilgandagina o‘tkaziladi.