Qishloq xo‘jaligi mashinasozligida eng ko‘p energiya talab qiluvchi jarayonlardan biri bu tuproqqa ishlov berish hisoblanadi, unga qishloq xo‘jaligi boʻyicha iste’mol qilinadigan energiyaning 30 – 40 % i sarflanadi. Qishloq xo‘jaligi mashina qismlarining bir qancha ishchi organlari (plug lemexlari, kultivator lapalari, qirquvchi apparat segmentlari va boshqalar) ko‘pincha muddatidan oldin ishga yaroqsiz holatga keladi, natijada bunday ishchi organlar uchun juda ko‘p sonda ehtiyot qismlarni tayyorlashga majbur bo‘linadi. Masalan, plug lemexini tayyorlash uchun ko‘pincha L53, L65, ba’zan 65Г uglerodli po‘latlardan foydalaniladi va ularga qizdirish uslubi bilan termik ishlov berilib mexanik xossalari oshiriladi, natijada ushbu lemexlarning qattiqligi НВ 321 – 541 (НRС 33 – 52) oraliqdagi
qattiqlik hosil qiladi.