Maqolada quymalarga oxirgi ishlov berishda ishlatiladigan abraziv asboblar uchun materiallarni “TURON ABRASIVE” MCHJ korxonasi sharoitida ishlab chiqarish bo‘yicha olib borilgan tadqiqotlar natijalari muhokama qilinadi. Mashina-mexanizmlarning bir martalik qoliplarda quyish usuli bilan olingan detallarida yuqori aniqlikdagi yuzalar hosil qilish va bundan oldingi ishlov berishda yuzaga kelgan mayda notekisliklarni – taroqchalarni kesib tashlash uchun ishlov berish muhim hisoblanadi. Ishlov berishning pardozlash usullari aniq shaklli detallar hosil qilishga, yuzalar tozaligini 7 dan 14-sinfga еtkazishga, 1 va 2-aniqlik sinfdagi o‘lchamlar hosil qilishga imkon beradi. Quymalarga oxirgi ishlov berishda, asosan, abraziv asboblar ishlatiladi. Abraziv materialni olish uchun har xil o‘lchamli zarrachalardan foydalaniladi. Maqolada abraziv materiallardan juda keng assortimentdagi abraziv asboblarni ishlab chiqarishga imkon beradigan turli xil texnologik usullar berilgan.