Дунё ҳамжамияти бугун мисли кўрилмаган ўзгаришлар қуршовида яшамоқда. Бу ўзгаришларнинг туб замирида глобаллашув
шиддатининг таъсири бениҳоя катта бўлмоқда. Айниқса, интернет ва ахборот технологиялари ривожи миллий давлатлар суверенитети хавфсизлиги масаласига олдингидан ҳам жиддий ёндашув кераклигини англатмоқда. Чунки, энди ривожланаётган мамлакатларнинг тараққий қилган мамлакатларга, айниқса, техник ва технологик «қарам»лиги уларнинг миллий давлат суверенитетини чекланишига олиб келмоқда. Бу эътироф этилган халқаро ҳуқуқ нормаларининг бузилиши бўлибгина қолмай, жаҳон лидерлиги учун кескин курашда халқлар, миллатлар келажагини савол остига қўймоқда ва дунёнинг барқарорлигига путур етказмоқда. Бунга қарши кураш учун миллий давлатлар олдида ўз суверенитетини мустаҳкамлаш ғоясини умуммиллий ҳаракатга айлантириш зарурати турмоғи керак.
You may also start an advanced similarity search for this article.