O‘zbekiston Respublikasida sanoat rivojlanishi bilan birga, detallar ishlab chiqarishda qo‘llaniladigan metallar va ularning sifatini oshirish masalasi dolzarb bo‘lib bormoqda. Mashinasozlik, avtomobilsozlik va elektrotexnika sohalarida keng qo‘llaniladigan materiallardan biri latun hisoblanadi. Latun – mis va rux asosida hosil qilingan qotishma bo‘lib, unga qo‘shimcha elementlar qo‘shish orqali mustahkamligi va korroziyaga bardoshliligi oshiriladi. Mazkur tezisda latunning yeyilishga bardoshliligini oshirish usullari, xorijiy va mahalliy tadqiqotlar hamda sanoatdagi qo‘llanilishi haqida so‘z yuritiladi.