Austenitli po‘latlarning xossalari legirlanish jarayonida ikki asosiy omil ta’sirida o‘zgaradi: bu legiruvchi elementlarning austenitning qattiq eritma holatidagi xossalariga ta’siri hamda austenit barqarorligining ta’minlanishi. Po‘lat tarkibiga qanday elementlar va
qancha miqdorda kiritilgani austenitning barqarorligi va butun yuqori marganesli po‘latning xossalarini belgilaydi. Sanoat tadqiqotlari va yuqori marganesli po‘latdan tayyorlangan ko‘plab detallarni tahlil qilish shuni ko‘rsatadiki, eng kuchli еyilish jarayoni ishlashning
dastlabki bosqichlarida yuz beradi. Mustahkamlik xossalarining oshirilishi aynan shu dastlabki еyilish davrini kamaytiradi, bu esa legirlash va mikrolegirlash orqali amalga oshiriladi. Legirlovchi elementlar sifatida xrom, titan va boshqalar keng qo‘llaniladi.