Келажакдаги врачлар – тиббиёт олий ўқув юрти талабаларининг сунъий интеллект (бундан кейин – СИ) технологиясига бўлган муносабатига оид тадқиқотнинг долзарблиги СИ тизимларининг нафақат таълим жараёнига, балки клиник ва диагностик амалиётга ҳам жорий этилиши билан белгиланади. Шахснинг ахборот маданияти мазмунини акс эттирувчи ахборот амалиётлари ва СИ таърифини аниқлашдаги афзаллик ўртасида боғлиқлик мавжудлиги ҳақидаги гипотеза тасдиқланди. Мақсад тиббиёт олий ўқув юрти талабаларининг ахборот маданиятининг асосий таркибий қисми сифатида турли хил ахборот манбаларидан фойдаланиш амалиётлари ва уларнинг СИни тушуниши ўртасидаги боғлиқликни тавсифлашдан иборат. Тиббиёт университетининг биринчи иккинчи ва учунчи курс талабалари ҳамда профессор ўқитувчилари ўртасида ўтказилган сўровнома натижалари (n = 217) келтирилган.