So‘nggi yillarda yuqori еyilishbardoshlilikka ega materiallarga bo‘lgan talab keskin oshib bormoqda. Ayniqsa, og‘ir yuklama va ishqalanish sharoitida ishlovchi detallar – nasoslar, maydalagichlar, turbina pichoqlari va boshqa mashinasozlik qismlarida ishlatiladigan materiallar еyilishga chidamli bo‘lishi kerak. 300Х28Н2Л markali korroziyaga va еyilishga bardoshli quyma cho‘yanni aynan shunday sharoitlarda qo‘llash maqsadga muvofiq. Biroq mazkur cho‘yanning ishqalanish sharoitlaridagi xizmat muddati ba’zan еtarli bo‘lmasligi mumkin. Shuning uchun uni modifikatsiyalash orqali fizik-mexanik xossalarini yanada takomillashtirish dolzarb hisoblanadi.